Skip to content

Aningaasanik tapersiisarnerit

Aningaasanik tapersiisarnernut tunngatillugu paasissutissiineq

Suliniutinut angisuunut mikisunullu suliffeqarfitsinnut aamma inuiaqatigiinnut kalaallinut iluaqusiisussanik tapersiisarnissaq pillugu Greenland Airports aningaasanik tapersiisarnermut politikkeqarpoq. Greenland Airports suliniutinut naleqartitatsinnik malinnittunut, nuna tamakkerlugu nuannaalersitsisussanut ataatsimooqatigiinnermillu nukittorsaasussanut tapersiiniarsarisarpoq.

Aningaasanik tapersiissutinik tunniussinissamut tunngaviusut:

  1. Suliffissuarmi sulisunut, politikkikkut ingerlatassanut, ilinniartut angalanerinut kiisalu inunnut ataasiakkaanut tapersiisoqartanngilaq.
  2. Suliffissuarmi suliniutinut angisuunut mikisunullu Kalaallit Nunaat tamakkerlugu nuannaalersitseqataasinnaasunut ataatsimooqatigiinnermillu nukittorsaasinnaasunut  tapersiinissaq suliffissuarmi salliutinneqarpoq
  3. Tapersiissutit meeqqanut inuusuttunullu, peqqinnissamut kiisalu kulturimut avatangiisinullu agguarniarneqarnissaat salliutinneqarpoq.
  4. Ingerlatassanut aningaasanik tapersiinani, suliffissuarmi sulisut piffissami suliffiusumi suliarisinnaasaannut (ass. Saligaatsoq), pingaarnertut tapersiisoqartarpoq.
  5. Tamatuma saniatigut ingerlatassanut Suliffissuarnut toqqaannartumik pitsaasumik sunniisussanut tapersiisoqartarpoq, ilanngullugu assersuutigalugu ersarissumik nuannersumik eqqartorneqarneq, kaaviiaartitsinerulerneq assigisaalluunniit.
  6. Aamma annikinnerusumik ingerlatassanut Suliffissuarmut toqqaannartumik sunniisussaanngitsunut, kisianni Suliffissuup najukkani inuiaqatigiinni suliffeqarfittut angisuutut pingaarutilittullu inissisimanera tunngavigalugu aningaasaliissutigineqartunut, tapersiisoqartarpoq.

Aningaasanik tapersiissutinik qinnuteqarusuppit?

Greenland Airports-imi aningaasanik tapersiissutinik tapersiivigineqarnissamik qinnuteqarusukkuit, tunngaviusut matuma siuliani allassimasut naammassisimagukkit, taava qinnuteqaatit suliffissuarmi aningaasanik tapersiisarnermut ataatsimiititaliamut nassiussinnaavat uunga sponsor@airports.gl

Qinnuteqaaterni makkua ersarissassagitit qinnuigineqarputit:

  • Kinaana qinnuteqaammik nassiussisoq?
    • Peqatigiiffiua, suliffeqarfiua imaluunniit alla?
    • Kina attaveqarfigineqartassava?
  • Aningaasanik tapersiissutinik qinnuteqaammik nassiussinernut suut kajumilersitsisuuppat?
  • Erseqqilluinnartumik suna aningaasanik tapersiivigineqartussatut qinnutigaajuk?
    • Najukkami imaluunniit nuna tamakkerlugu aaqqissuussinerua?
    • Aningaasat tapersiissutit kikkunnut iluaqusiisussaappat?
    • Ingerlatsinissamut pilersaarut ilanngussinnaavat
  • Aningaasat tapersiissutit ilusaat – sunik tapersiissaagut
    • Aningaasaqarnikkut, taamaappat aningaasartai allanneqassapput aammalu aaqqissuussinissamut anginerusumut tunngappat missingersuutit allanneqarsinnaapput.
    • Sulisutigut, kiffartuussinernik allanilluunniit?
    • Ataasiartumik aningaasartallit imaluunniit aningaasat tapersiissutit piffissami sivisunerusumi sivisussuseqartinneqartussat?
  • Greenland Airports-ip aningaasanik tapersiisuunera qanoq ersaritsinneqassava?
  • Ingerlanneqarnissaata ullua

Aningaasanik tapersiinissamut qinnuteqaatit qaqugukkut suliarisarpagut?

Aningaasanik tapersiisarnernut ataatsimiititaliaq aningaasanik tapersiinissamut qinnuteqaatit tiguneqartut suliariniarlugit ukiumut 6-riarlutik naapittarput;

Ataatsimiinnerit akornanni aningaasanik tapersiinissamut qinnuteqaatit suliarineqartanngillat.