Avani Lounge Nuup mittarfiani ammalerpoq

Aggustip 12-ani Avani Lounge Nuup nunat tamalaanut mittarfiani ammassaaq. Lounge utaqqisarfik qullerpaami inissisimavoq, angalasunullu timmisartup utaqqinerani tamussernissamut, sulinissamut, eqqissisimaarnissamulluunniit periarfissiilluni.

10. August 2026

Del artikel

Ammaanersioneq Nal. 8:00 16:00 tungaanut malunnartinneqassaaq, angalasunullu tamanut ammajumaarluni. Nerisassaqarlunili imeruarsaateqarumaarpoq.

Eqqissisimaarfissaq suliffissaarlu

Avani Lounge iluartunik issiaarfissalimmik aallannginnermilu suliffiusinnaasumik pisatsersugaavoq. Aamma Wi-Fi akeqanngilaq.
Lounge-mut isissuteqaruit nerisassanik imeruarsaatinullu periarfissaqarputit. Menu ulloq malittaraa, Nal- 8:00-miit 12:00 tungaanut ullaakkorsiutit Brunch-ilu sassaalliutigineqartassapput, ullup sinnera kaagi unnukkorsiutissallu sassaalliutiginerqartassallutik.

Avani Lounge-mut isissutissaq

Aggusti 12-ani ammaanersioreernermi Avani Lounge-mut iserneq 150 DKK inummut ataatsimut akeqarpoq, akunnerillu 4-at atuussalluni.
Isissutissaq Lounge-mi isernermi akilerneqarsinnaavoq. Pulaartunut tamanut atuuppoq, immikkullu meeqqanut isissutissaqanngilaq.
Malugiuk: Massakkut Priority Pass, guldkort, kortillu ilaasortaanermullu uppersarsaatit Avani Lounge-mut isissutaasartut akeqanngittumik isissutaasinnaangillat. Pulaartut tamarmik akiliisapput.
Avani Lounge ullut tamaasa Nal. 8:00 – imarpik qulaallugu timmisartoq aallartoq kingulleq tungaanut ammasassaaq.