Skip to content

Kujataani piffissaq nutaaq: Mittarfik Qaqortoq ammalerpoq

Kujataani piffissaq nutaaq: Mittarfik Qaqortoq ammalerpoq

Apriilip 16-ani 2026 mittarfik Qaqortoq ammassaaq – allornermillu nutaamik kujataani naqissusiilluni. Mittarfik nutaaq kujataani angalanermi atugassarititaasunut kivitsisooqataajumaarpoq. Najugaqartunut tikeraartunullu ammanerusumik, ataqatigiinnerusumik, iluarnerusumillu angalanermik isumaqarumaarpoq – illoqarfimmut nunarsuarmullu qaninnerusumik.

09. April 2026

Del artikel

Ammaanersioneq, aallartinnermik malunnartitsisoq

Ammaanersionermi aallaqqaartunik nalliuttorsionermik Nuummi Qaqortumilu

 malunnartinnartinneqassaaq – ulloq kateriffiusoq nutaamillu aallartinnermik naqissusiisumik.  

 

Nuummi ulloq mittarfimmi aallartikkumaarpoq, timmisartoq siulleq 

Qaqortumukartoq aallannginnerani aallartussat najuuttullu nalliuttorsioqatigalugit.  

 

Qaqortumut timmisartoq siulleq tikeriarpat siullerlu aallariarpat nalliuttorsionerit 

nanginneqassapput –  angalanermi periarfissat nutaanut tunngasunut ulloq oqaluttuarisaanermi ilaasalluni. 

Ullup ingerlanerani nalliuttorsionerit illoqarfimmi nanginneqarumaarput, 

kaffillernermik, nipilersornermik oqalugiarnermilu tamanut ammasumik
qaaqqusisoqarluni.  

Nunanut tamalaanut qaninnerulerneq

Qaqortumi mittarfik ilutigalugu ataqatigiinnerit nunatsinni nunanullu tamalaanut  nukittunerulissapput. 

  • Air Greenland Qaqortumiit nunatta iluani angalaneq ingerlatissavaat 
  • Icelandair Qaqortumiit nunanut tamalaanut Juni-september iluani angalatsitsisarumaarpoq.  

Angalasunullu ima isumaqarluni: 

  • Nunatsinnut ammanerulerneq 
  • Islandimut toqqaannaq aallarsinnaaneq 
  • Nunanullu tamalaanut angalanissamut periarfissaqarnerulerneq..  

Kujataa misigisassanik attavinnillu nukittunerusunik aallarnerfiulissaaq.  

Suut mittafimmi naatsorsuutigisinnaavigit? 

Qaqortumi mittarfik ajornaatsoq paasiuminartorlu pinerullugu pilersitaavoq.  

Tikikkuit / aallaruit uku misigissassaapput:  

  • Nammineq check-in aammalu check-in inuttalik 
  • Bagdrop nassatanut nammineq ilisiartorfik.  
  • Isumannaallisaavik nunanut tamalaanut aallalernermi 
  • Aallariatorfiit /iseriartorfiit marluk, nunanut tamalaanut aallalernermi aallariartorfissaq ilanngullugu. 

Aallarnerfigalugu nerisassanik / imigassanik automatinik peqassaaq, periarfissallu allat kingusinnerusukku ineriartortinneqarumaarput.  

 

Aaallalernermi aggerfissanik siunnersuut:  

  • Nunatsinni angalanermi: akunneq 1 sioqqullugu 
  • Nunanut tamalaanut angalaneq: akunnerit 2 soiqqullugit. 

Mittarfimmit / mittarfimmut angallannerit

Tikikkuit aallaleruit apuuttariaannaavutit: 

  • Illoqarfimmi suliffeqarfiit arlallit bussinik angallassinissamik
    neqerooruteqartarumaarput     
  • Taxa uunga inniminnernerqarsinnaapput 64 11 11 
  • Imaluunnit app-ikkut: Taxat 64 11 11 

Siunissamut periareerneq

Qaqortumi mittarfik nutaaginnnaangilaq.  

Angalariaseq nutaajullunilu kujataa nutaamik misigisassarsiujumaarpoq.  

Misilittagassarsiorlutit, suliartorlutit, tikeraariartorlutilluunniit angalaguit angalanerit ajornaannerulissaaq – periarfissaqarnerulerlunilu.  

 

Kujataani piffissamut nutaamut tikilluarit!  

Malinnaavigitigut

Photo: Aningaaq R. Carlsen - Visit Greenland

Atuagassat allat

Qaqortumi Ilulissanilu Mittarfiit ammarnissaat
Poorskimi angalanermi siunnersuutitsialaat
Ukioq aalassassimaarfiusoq – tulluusimaarfiusorlu