Nunatsinnut nunatsinniillu suut angerlaassinnaavigit?

Angalasorpassuarnut unammillernarsinnaavoq nunatsinniit angerlaasinngitsoornissaq. Nunatsinni mittarfinnilu nunatta iluaniit immikut sanaat nunatsinniillu tammajuitsussat soorlu amiit, eqqumiitsuliat aamma Duty Freemiluunniit nioqqutissat nassaarisinnaavatit. Nunatsinniilli aallaraangavit, suut bagage-mi nassarsinnaanerlugit malittarisassat ilisimanissai pingaaruteqarpoq. Malittarisassaaq qanoq innersut sumut aallarnerlutit apeqqutaavoq.

11. June 2026

Del artikel

Danmark-imut, USA-mut, Island imaluunniit nunat allanut aallarnersutit apeqqutaavoq. Nunarput akitsuuserineq tungaatigut EU silataaniippoq. Taamaammat nerisassanut, imigassartalinnut, pujortagassanut, uumasuniillu nioqqutissiaq immikkut malittarisassaqarpoq.

Sammisat uku eqqumaffigissavatit:

Uumasunit pisunit nioqqutissianik eqqussineq
Uumasut nungoratarsinnaasut pillugit CITES-malittarisassat
Akitsuuserinermut tunngasut

Malittarisassat ullormiit ullormut allanngoratarsinnaapput, taamaammat siunnersuutigaarput malittarisassat maanna atuuttut ilisimanissai.

Uani ilanngutassiami ilitsersuutit oqartussanullu naleqquttunut link-it nanisinnaavatit, malittarisassaq atuuttut pillugit atuaqqissinnaallugit imaluunniit oqartussat akisussaasunut apeqqutissaqassaguit saaffigisinnaaniassagakkit.

Malugiuk, apuuffissannut nassaqqusaangitsumik nunatsinniit nioqqutissanik nassaruit, Greenland airports akisussaasuutitaasinnaangimmat.

Antlers Carving. Photo - Filip Gielda, Visit Greenland

Duty Free aamma nassatallu akutsuusigaangitsut

Nuup mittarfianiit nioqqutissat pisiat nunat EU-mi aamma EØS-milu ilaasortaasunut eqqunneqarsinnaapput.

Nunatsinniit nunat tamalaanut aallaruit, mittarfimmi Duty Free-mi pisiassat tamarmik pisiarisinnaavatit. imigassartallit, pujortagassat, tipigissaatit pinnersaatillu ilanngullugit.

Akitsuusiakkanik qanoq annertuigisunik nassarsinnaanersutit nuna apeqqutaalluni allanngorarpoq. Taamammat eqqaamaluugu eqqumaffiginissaa, suna qanorlu annertugigisoq nassarsinnaanerlugu, Danmark-imut, Island-imut USA-mulluunniit aallarnerlutit assigiingillat.

Nunatta iluani angalanermi timimut tarnutit, pinnersaatit tammajuittullu pisiarisinnaavatit. Erfalasutta akit allagartat nalaaniittut takutippai nunatta iluani angalanermi suut pisiarisinnaaneritit. Nunatta iluani angalatillutit mamakujuttut, sodavand, imigassartallit pujortagassallu akitsuutitaqanngitsut pisiarisinnaanngilatit.

Nunatsinniit Danmarkimut angalaguit, qanoq akitsiisiiakkanik akileraarutiiakkanilluunniit annertutigisunik nassarsinnaanersutit killeqarpoq. Itinerusumik paasissutissat uani takukkit: Toldst.dk

Imigassartalinnik pujortagassanillu akitsuutiiakkani akileraarutitaqanngitsunillu Nuup mittarfiani pisiniaruit 18-leereersimasariaqarputit.

Nunatsinni nunalu allami nioqqutissat akitsuutiiakka pillugit inatsisit malinnissai angalasup nammineq akisussaaffigivaa.

Nerisassat aamma uumasunit pisunit nioqqutissat

Nunatsinnit immikkut sanaat angerlaanissaanut angalasunit kissatigineqartarpoq. Nioqqutissat ilai nammineq atugassatut ilai akuerisaapput, kisianni malittarisassat nunamiit nunamut allanngorarput.

Nerisassat uumasuniillu pisunit nioqqutissiat nassarsinnaaneranut nunatsinni nunanilu allani inatsisit malinnissai angalasup nammineq akisussaaffigivaa. Greenland Airports akisussaatinneqarsinnaangilaq nunatsinniit nerisassanik annissisoqarsimappat. Timmisartukkut nunanut allanut aqqutit pilugit ataani takuneqarsinnaapput.

Party snacks at the beach. Photo by Norris Niman - Visit Greenland

Nunatta Danmark-illu iluani angalaneq

Naliginnaasumik nerisassat assigiingitsut nunatsinniit Danmarkimut inunnut ataasiakkaanut nassartoqarsinnaavoq. Eqqumaffigisassaavorli nioqqutissat annertussusai suunersullu apeqqutaallutik killeqarsinnaammat.

Nerisassat annertussusaai pillugit malittarisassat inuussutissaqarnermi, naasorissaanermi, aalisarnermilu pisortaqarfimmi (Qallunaatut: Styrelsen for Fødevarer, Landbrug og Fiskeri) nassaarisinnaavatit.

Taquat kalaalimernitallit inuup nammineq pigisaatut isigineqartarpoq taamaalluni inuup nammineq atugassaatut Danmarkimut angalanermi nassarneqarsinnaallutik. CITES allattorsimasunit nerisassanut aamma tamanna atuuppoq. Itinerusumik paasisaqarusukkuit uani takuuk: Sullissivik.gl

Photo: Pixabay.com

Nunatta USA-lu iluani angalaneq

USA-miit Nunnatsinnut angalaneq

USA-mit nunatsinnut nerisassat suut nassarsinnaanerlugit killilersuinerit sukanganerupput.

Paasisaqarnerorusukkuit link una tooruk: Mad med på rejsen

USA-mut nunatsinniit angalaneq

Nerisassanik eqqussinermi USA sukanganersusumik malissarissassaqarpoq. USA-mukaruit, siunnersuutigaarput malittarisassat atuuttut aallannginnermi nerisassat nalunaarutigeqqaarnissai.

Nuummi Amerikarmiut konsuuleqarfiani paasissutissanik itinerusunik paasiniaasinnaavutit uani: usconsulatenuuk@state.gov

Photo: Pixabay.com

Nunatta Island-illu iluani angalaneq

Island-imiit nunatsinnut angalaneq

Naliginnaasumik Island-miit nunatsinnut suut eqqussinnaanerlugit malittarisassat sukangannginnerulaarput.

Paasisaqarnerorusukkuit Link una malinnaavigiuk: Qallunaatut:Mad med på rejse

Nunatsinniit Islandimut angalaneq

Island uumasunit pisunit nioqqutissianik eqqussinermut immikkut malittarisassaateqarpoq – Nunatsinnut Islandimiit malittarisassanut eqqaanarput. Islandimut angalaguit, siunnersuutigaarput malittarisassat atuuttut aallannginnerni misissoqqaarnissai, pingaartumik nerisassanik imaluunniit nioqqutissat immikkut sanaanik nassaruit.

Islans Konsuuleqarfia Nuummiittoq paasissutissanik itinerusunik uunga saaffigisinnaavat: nuuk@mfa.is

Photo: Pixabay

Tammajuittut, amiit aamma eqqumiitsuliat

Nunatsinniit nioqqutissat eqqumiitsuliallu amerlasuut angerlaanneqarsinnaapput – kisianni nioqqutissat ilai nunat assigiingitsut akornanni uumasut nungoriaannat pillugit malittarisassanut ilaapput (CITES). CITES-imit uppernarsaamik atsiortitsisinnaaguit, nassatassaq akuerisaasutut takussutissaq ilumoortutut atuutissaaq. Eqqumaffigissavalli, nioqqutissat ilai CITES-mit uppernarsaatissaqanngimmata. Malittarisassanut atuuttunut ilaasimasinnaangilaq imaluunniit nioqqutissaq CITES-imi ilaanani.

Nioqqutissat CITES-mi ilaangittut ukuupput:

Tuttu amii nassuiluunniit
Qiviut
Puisi amii imaluunniit puisi amiinit nioqqutissat piniartuninngaanneersut.
Saanikunik saarninillu eqqumiitsuliat (tuuganinngaanneersuungitsut)

Eqqumaffigissavat, puisi amiinit nioqqutissiat inuit ataasiakkaanit nassarneqarsinnaama, apuuffissarli immikkut puisi amiinik eqqussinermik killilersuineri sakkortunerusinnaapput, soorlu USA.

Tammajuittunut, aminut eqqumiitsuliallu pillugit nunatsinni nunanilu allani malittarisassat angalasup malissallugit nammineq akisussaaffigivaa.

Itinerusumik paasissutissat Sullissivik-mi takukkit: Sullissivik.gl

Tupilak carvings on a shelf. Photo - Peter Lindstrom , Visit Greenland

Angerlamut angalannginninnit siunnersuutit pitsaasut

Aminik, eqqumiitsulianik, immikkullu nioqqutissianik soorlu qiviuk, puisi amiinik nioqqutissiat, saarninit ilusilersukkat pisinermut allagartat toqqoruk imaluunniiit nioqqutissat immikkut eqqussisnissamik imaluunniit annissinissamik malittarisassallit.
Tammajuittunik, aminik eqqumiitsulianilluunniit nassarnermut malittarisassat pillugit nalornileruit pisiniarfimmi aperigit.
Nalornissuteqaruit oqartussat naleqqutut saaffigiuaannarsinnaavatit.
Uumasunit aamma nerisassat annertuunik nioqqutissat immikkut eqqumaffigikkit.
Apuuffissappit malittarisassiai aallannginnerni immikkut eqqumaffigikkit.
Imerpalasut tigummiaannarlugulu nassatat pillugit malittarisassat aallannginnerni eqqumaffigikkit.