Ukioq aalassassimaarfiusoq – tulluusimaarfiusorlu

Nuummi Mittarfik ukioq ataaserluinnaq matuma siorna ammarmat, tamanna annertuunik isumalluarfigineqarsimavoq – aammalu taamaaqataanik suliassarpassuusimallutik. Mittarfimmi pisortamut Rita Müller-imut ukioq siulleq sungiusimasaniit allaanerulluinnarsimavoq. Tamanna nassuiarpaa “apoqattaarluni ajugaasarlunilu angalaneq – kisianni aamma angusimasagut tulluusimaarutigisorujussuullugit.”

Ammarneraniit ulluinnanngorneranut

Tuukkaq siullermeertumik terminalip tungaanukarmat ulloq taanna Rita mittarfiup saqqaani nikorfagami, oqilisimaarneq pissanganerlu akuleriissillugit misigisimavoq.

“Ulloq ammarnera immikkut illuinnartuusimavoq. Tamatumunnga killinnissatsinnut ukiualuit sulisimavugut aammalu Tuukkaq mimmat, tamanna oqaluttuarisaanermi pisoqarfiusoq nalunngilara. Kisianni ajornakusoornerpaat aatsaat tassani aallartilaartut aamma nalunngilara. “

Tassami tunuani anigorniagassarpassuit utaqqiinnarput. Periaatsit nutaat tamakkiisumik ingerlatsinermi atuutsinneqalertussaapput, suleriaatsit inaarsarneqartussaapput, aammalu suleqatigiit tamakkiisut mittarfimmi, tamanut nutaajusumi, allorissaaqatigiinnialertussaallutik.

Teknikkini anigorniagassaqarsimavugut, suleriaatsini anigorniagassaqarsimavugut aammalu silamut tunngasutigut anigorniagassaqarsimalluta. Tamanna sutigut tamatigut ukioq anigorniagassaqarfiusimavoq, ilikkapallanniagassarpassuusimallutik. Kisianni sulisut pisinnaasartik tamaat sulisimapput, aammalu sapinngikkipput upperalugu suleqatigiittut ataqatigiissimalluta. Tamanna nukissamik tunisivoq, oqaluttuarpoq.”

Tulluusimaarneq aammalu siunissap isumalluarfiginera

anigorniagassaqaraluartoq mittarfimmi ukiup ataasiinnaap ingerlanerani angusimasat Ritap tulluusimaarutigai:

Annertunersaanni ingerlalluartumik mittarfeqalersimavugut, inunnik periarfissanillu ataqatigiissitsisumik. Sulliviinnaanngilaq – nunarput tamakkerlugu pinngitsoorneqarsinnaanngilaq. Tamannalu tulluusimaarutigisorujussuuara, itisiliivoq

Taamaattumillu aappaagumut neriulluarluni qilanaarpoq.

Anguniakkagut suli tamakkinngilagut – amerlanerit nalunngisaattut suli ineriartortitassaqarpugut pitsanngorsagassaqarlutalu. Kisianni suliakkiissutit iliuuseqarfigisinnaagigut naammassisinnaagigullu takutissimavarput. Takkuttussat tamaasa sapinngikkigut tamatuma isumaqalersippaanga,” naggasiivoq.

Pissusiviusut:

Nuummi Mittarfik pisortatigoortumik ulloq 28. november 2024 ammarpoq. Taanna Kalaallit Nunaanni mittarfiit nutaarluinnaat pingasut ataatsimoortumik mittarfiliarineqarneranni ilaavoq, tassani Qaqortoq aamma Ilulissat nutaanik aamma mittarfittaartussaallutik, 2026-mi ammartussanik.
Greenland Airports-ip katillugit mittarfiit 13-it aammalu qulimiguulinnut mittarfiit 46-t ingerlappai.

Allaaserisat allat