Mittarfiit
Paasissutissat
Information
Kiffartuussinerit
Duty Free
Uagut Pilluta
United Airlines New York-imiit Nuummut angallassineq ingerlateqippaa
05. May 2026
Nuummiit New York-imut aqqut angalanermuinnaq tunngangilaq, nunat assigiingilluinnartut misiginissaanut paasinissaanullu periarfissatsilalaalluni.
Nunatsinniit angalasut nunanut tamalaani illoqarfiit anginersaasa ilaannut aqqut ammarnerani piorsarsimassutsikkut misigisassarsiorfissanullu assigiinngitsunut periarfissat ammassapput. USAmiit angalasuttaaq Kalaallit Nunaat misiginissaanut periarfissiissaaq – ulluinnaat qanimut takullugit, assini takusartakkaniit allaanerusinnaasut misigalugit.
Atassut toqqaanartoq angalaffigissallugu oqinnerusoq, alapernaaneq, paasisassarsioneq, inuillu naapinnissaat ikorfartorlugu.
United Airlines aqqutertik pillugu ima oqaasertaliipput:
“United aasaq manna Kalaallit Nunaannut Newark / New Yorkimiit Nuummut timmisartuussinermik angallassinermi uteqqinnissamut qilanaarpoq. Sapaatip akunnerani marloriaq timmisartuussisassalluta Boeng 737 Max 8 timmisartoq, 16-nik premium economy-talik, 150-inillu economy-talik atorlugu.”
Photo - Aningaaq R. Carlsen, Visit Greenland
United Airlines aqqut sapaatip akunneranut marloriaq juuni 7-niit September 23-ata tungaanut ingerlassaaq.
Timmisartuussinerit Premium economy aamma economy inissat ammajumaarput.
United Airlines nangippoq:
“Aqqut Newark/New Yorkimiit marlunngornikkut arfininngornikkullu aallartassaaq, Nuummiillu pingasunngornikkut sapaatikkullu aallartassalluni. Uniteq kisiartaalluni USA- miit Kalaallit Nunaannut aqqummik toqqaannartumik ingerlatsisuuvoq, ukioq kingullerlu ingerlassisaleqqaaratta USA-miit Nuummut atassuteqalersitsisunit siullersaalluta.”
Photo - Filip Gielda, Visit Greenland
New York-ikkut angalasut Amerika avannaanut kujataanulluuniit tikitassanut periarfissiivoq.
United Airlines ima paasissutissiivoq:
“Aasaq manna EWR-GOH programmi pilersaarutaasoq aqqutigalugu angalasut tikitassat 80 missaaniittut Amerika avannaa kujataaniitullu New York-imiit tikinneqarsinnaapput”
Ilutigalugulu ukioq kingulleq misilittakkat takutippaat aalaakkaasumik soqutiginnittoqarnera.
United Airlines oqaatigaa:
“Aasaq kingulleq tikittaleqqaarnitsinni angalanissamut pilersaarutit 140-t takuagut, angalasullu 6200-t ukioq kingulleq angallassimallutigit. “
Photo: javaistan
Aqqut Nunatsinniit USA-mut ammarpoq, naliginnaasumik takusartakkaniik naapeqatigiinnermut, alapernaanermut, isiginnittariaasinullu nutaanut ammaassisuulluni.
Photo: United Airlines
