Mittarfiit
Paasissutissat
Information
Kiffartuussinerit
Duty Free
Uagut Pilluta
B2B
Nuuk
04:59
°C 4
4 km/h
Inissisimanivut pissutigalugit Kalaallit Nunaanni Timmisartoqarfiit angalasunut inuussutissarsiortunullu naapittarfiupput. Suliffeqarfissinnik pitsanngorsaasinnaasunik niuerfissilu allilernissaanut tunngatillugu B2Bsuleqateqarnissamut periarfissapassuarnik neqerooruteqarpugut. Pisiniarfinniit assartuinermi atortunut nutaaliaalluinnartunut niuernermi periarfissanik neqerooruteqarpugut. Qanoq suleqatigiissinnaanerluta takussutissat aaku.
1
Pisiniarfiit
Nuummi Timmisartoqarfimmi akitsuuteqanngitsumik pisiniarfeqarpugut, caféqarpugut aamma business loungeqarluta, taakkunani pisiniarfinnut sullissisunullu attartortitsinissamut periarfissanik soqutiginartunik neqerooruteqapugut. Illorsuarmi utaqqisarfimmi nutaami sumiiffiit assigiinngitsut aamma tikinneqarsinnaaneri neqeroorutigaavut assersuutigalugu automatinik ikkussorneqarsinnaallutik.
Isersinnaaneq piumasaqaatillu
Ajornanngitsumik isersinnaanissaq piumasaqaatillu paasiuminartuunissaat isumagissavavut, taakku Timmisartoqarfitsinni ilissi pisiniarfimmik pilersitsinissassinnut ingerlatsinissassinnullu pisariinnerulersitsisussaapput. Taamaattumik suleqatigisartakkavut avataaneersut systemitsinnut isersinnaassapput. Tamatuma saniatigut kortinik isissutissanik inniminniinissamut aamma akuersissutinut allanut pisarialinnut tunngatillugu ikiuussinnaavugut.
2
Pilerisaarineq pillugu isumaqatigiissutit
Kalaallit Nunaanni Timmisartoqarfiit pilerisaarinerit analogit digitalillu periarfissatut neqeroorutigaat. Timmisartoqarfiup iluani silataanilu skærminik allagartaliiffissanillu ikkussuussaqarpugut . Multichannelerput iluaqutigalugu qitiusumit paasititsiniaanerit aqqutigalugit Timmisartoqarfiit amerlanerusut takutitsiffigineqarsinnaapput.
3
Skærmikkut ussassaarutit aamma plakatinut ikkussuiviit – Annertunerpaamik takuneqarsinnaassuseq
Skærmit plakatinullu ikkussuiviit eqqarsaatigilluakkamik inissinneqarnikuupput, ukioq naallugu mittarfinnut atuisorpassuarnut ersarittunngorlugit. Taamaammat mittarfimmi ussassaarinissaq pilerinartuuvoq, sunniuteqarluartussaallunilu.
Timmisartoqarfiup iluani silataanilu skærminik allagartaliiffissanillu ikkussuussaqarpugut . Multichannelerput iluaqutigalugu qitiusumit paasititsiniaanerit aqqutigalugit Timmisartoqarfiit amerlanerusut takutitsiffigineqarsinnaapput.
Iluarsiissutit assigiinngitsut
Skærmikkuugaluarpat plakatikkulluunniit suliffeqarfippit oqariartuutaanut pisariaqartitaanullu nalimmassarsinnaapput. Skærmit assinik immaqaluunniit aalasulianik takutitsisinnaavoq, plakatilli aaliangersimasumik oqariartuuteqaraanni kimitusinnaallutik.
Annertunerpaamik saqqummiussiffik
Ussassaarutit ersarissumik inissisimasumi skærmikkut nuisatissinnaavatit illoqarfinni ukunani Ilulissat, Sisimiut, Maniitsoq, Narsarsuaq, Kangerlussuaq, Kulusuk aamma Upernavik, soorlu aamma plakatit ersarissumi, inunnik angallaffiusuni inissisimasut. Sulissutigaarput illoqarfiit amerlanerit skærmilersornissaat suli annertunerusumik ussassaarisinnaaniassagavit.
Maluginiaqqussut: Massakkuugallartumik Nuummi mittarfittaatsinni ussassaarussutinik ikkussisoqarsinnaanngikkallarpoq. Sulissutigaarpulli skærminik arlalinnik ikkussuinissaq, periarfissaalerpata saqqummiukkumaarparput.
Mittarfimmi ussassaarinissamut, inissanilluunniit tunngasunik paasisaqarnerorusukkuit immikkoortortaqarfipput marketing ugguuna attavigiuk marketing@airports.gl
Kalaallit Nunaat tamakkerlugu B2B suleqatigiinnissamut periarfissavut pillugit paasisaqarnerunissassinnut soqutiginnikkussi niuernermut immikkoortortaqarfipput sales@airports.gl attavigisiuk. Tusarfiginissarsi qilanaaraarput qanorlu peqatigiilluta ineriartortitsisinnaanitsinnut naleqassutsimillu pilersitsisinnaanitsinnut tunngatillugu oqaloqatiginissarsi qilanaaraaralugu.
