Nassatat pillugit ilisimasariaqakkat

Tigummiaannarlugu nassatat timmisartumut ikininni nassartussaavat. Timmisartuutileqatigiiffiit tigummiaannarlugu nassatannut malittarisassiortarput. Taamaammat angalanissat sioqqullugu timmisartuutileqatigiiffinni malitarisassat misissussagitit tamatigut innersuussutigisarparput.

Naliginnaasumik uku nassarsinnaavatit:

• Atisat qaatiguut, kavaajat, nasat, aaqqatit, qungasequtit il.il.
• Imerpalasut 100 ml ataallugu imallit puussiami matusinnaasumi 1 literimik imaqarsinnaasumiittut.
• Angalanermi meeqqat nerisassaat aamma meeqqanut meeraaqqanullu atortut pisariallit.
• Elektronikkit minnerit, soorlu qarasaasiat angallattakkat, tabletsit, tusarnaarutit il.il.
• Taskit minnerit, timmisartumi issiaviup ataanut ilineqarsinnaasut
  Angissusaannut malittarisassat timmisartuutileqatigiiffinnit aamma bilitsip suussusaa apeqqutaalluni aalajangerneqartarput
• Kuffertit mikisut, timmisartumi ilisivinnut ilineqarsinnaasut
  Angissusaannut malittarisassat timmisartuutileqatigiiffinnit aamma bilitsip suussusaa apeqqutaalluni aalajangerneqartarput

Nassatat tunniunneqartut timminerup nalaani timmisartumi usilersortarfimmiitinneqassapput, aamma taakku nammineerlutit timmisartumut nassarnavianngilatit. Suut nassarsinnaaneritit aamma qanoq annertutigisut nassarsinnaaneritit timmisartuutileqatigiiffinni malittarisassiuunneqartarput. Taamaammat angalanissat sioqqullugu timmisartuutileqatigiiffinni malittarisassat akillu misissussagitit tamatigut innersuussutigisarparput.

Nassatat– Air Greenland

Nassatat – Icelandair US

Quppernermi Nassatanik tunniussineq-mi qanoq nassatanik tunniussissanerlutit paasisaqarnerusinnaavutit.

Nassatanik tunniussineq qaangiutitipallakkusuppiuk mittarfimmilu utaqqinerunissat pinngitsoortillugu?
Taava innersuussutigissavarput nassatatit kuffertimut manngertumut poortussagitit taskemut qituttumuunngitsoq.

Nassatat qituttut Nassatatut Angisuutut inissinneqassapput

Nassatat qituttut – soorlu taskit timersortartut atortagaat, nammattakkat aamma taskersuit – Nassatanut angisuunut ilineqassapput. Tamanna utaqqinermik sivisunerusumik isumaqarsinnaavoq, ilinnut angalasussanullu allanut.

Kufferti manngertoq atorukku tunniussisarfimmut amerlanertigut ingerlaannaq tunniussinnaassavat angalanissannullu piariiaarnerullutit.

Nassatatit Nassatanut Angisuunut ilineqassappata nassatanik tunniusisarfimmi sulisutta ikiussavaatsit. Illilli nammineq ilorrisimaarnissat piniarlugu taavalu angalaniarnivit eqaannerusumik ingerlanissaa piniarlugu innersuussutigissavarput: pisinnaatillutit kufferti manngersoq atoruk.

Ataani Nassatat Angisuut pillugit paasisaqarnerugit.

Nassatat angisuut nassatatut immikkut ittumik tunniunneqartarput – aamma nassatatut angisuutut imaluunniit nassatatut immikkut ittutut taaneqartarput. Tassani pineqarput sisoraatit aamma timersornermi atortut, sakkut aneerussiviillu. Uumasuutit angalaqatigissagukku aamma taanna tassaavoq nassataq angisooq. Quppernermi Uumasunik angalaqateqarneq-mi paasisaqarnerusinnaavutit.

Nassatanut angisuunut assersuutit

• Aneerussiviit, aneerussiviit peqittakkat aamma issiaviit kaassuartakkat
• Uumasuutit, assersuutigalugu qimmit qitsuillu
• Sikkilit
• Ukiumi atortut, soorlu sisoraatit snowboardsit il.il.
• Nipilersuutit
• Sakkut atortullu taakkununnga atasut
• Sunngiffimmi atortut, soorlu aalisarutit, tupit il.il.
• Elektronikkikkut atortut angisuut, matumani fjernsyni, dronit, qarasaasiat skærmii, højttalerit il.il.

Timmisartoqarfinni nassatanik angisuunik tunniussineq

Timmisartoqarfimmi timmisartuutileqatigiiffivit saaffiginnittarfiani nassatatit angisuut tunniutissavatit. Nassatat angisuut saaffiginnittarfimmut tunniutissavatit, tassani apeqqutaanngilaq onlinekkut ilaaniarlutit nalunaarsimanersutit imaluunniit timmisartoqarfimmi imminut kiffartuunnissamut automatikkut ilaaniarlutit nalunaarsimanersutit.

Sakkunik / aallaassinik eqqussineq annissinerlu

Nunatsinnut sakkulerlutit tikillutillu aallarniaruit immikkut akuersissummik Politiinniit peqqaassaatit. Aallannginnerni qinnuteqassaatit. Qinnuteqarfissat paasissutissallu Kalaallit Nunaata Politeqarfiata nittartagaanni aasinnaavatit:

Nassatat kinguaattoorpat, annaagukku aserorpalluunniit timmisartuutileqatigiiffinnut saaffiginnissaatit. Nassatavit allagartaa nassarlugu timmisartuutileqatigiiffivit nassatanik tunniussinermi saaffiginnittarfianut saaffiginnissaatit imaluunniit timmisartuutileqatigiiffik attavigissavat:

Air Greenland

Oqar: +299 34 34 34

E-mail: info@airgreenland.gl

Air Greenlandip nittartagaani paasisaqarnerugit

Icelandair

Oqar: +354 570 3030

Icelandair nittartagaani paasisaqarnerugit