Angalanermi alloriarneq siulleq

Timmisartoqarfimmut piguit iliuusissat siulleq tassaavoq nassatanik tunniussineq. Timmisartoqarfitsinni angerlarsimaffinniit internetikkut ilaaniarlutit nalunaarsinnaavutit, aamma ullormi aallarfissanni saaffiginnittarfimmi nassatanik tunniussisinnaavutit.

Nuummi timmisartoqarfimmi imminut kiffartuunnissamut automati aamma atorsinnaavat. Tamanna qanoq pisarnersoq ataani paasisaqarsinnaavutit.

Internetikkut nassatanik tunniussineq / ilaaniarlunimut nalunaarneq angalanerpit aallartinnissaanut periaasiuvoq ajornaatsoq sukkasoorlu. Timmisartuutileqatigiiffiit amerlanerit internetikkut ilaaniarluni nalunaartoqarnissaanut periarfissiisarput, aamma illit timmisartuutileqatigiiffiit aqqutigalugu internetikkut ilaaniarlutit nalunaassaatit.

Saaffiginnittarfimmi sulisunut aamma nassatanik tunniussisinnaavutit. Angalanissat sioqqullugu nassatat oqimaappallaartoq nalunngikkukku saaffiginnittarfimmi nassatat tunniutissagit kajumissaarusuppatsigit.

Imak iliussaatit

Passit angalanissamullu uppernarsaatitit piariikkit. Oqarasuaatikkut pappilianngortilluguluunniit anillatsitakkut takutissanerlugu nammineq aalajangissavat. Ilaannikkut visumi atuuttoq takuteqquneqartarpoq. Periaatsip sinneranut sulisut ilitsersuulluarumaarpaatsit.

Nuummi timmisartoqarfimmi nassatatit tunniunniarlugit imminut kiffartuunnissamut automati atorsinnaavat.

Imaaliussaatit

Passit angalanissamullu uppernarsaatitit piariikkit automatimilu ilitsersuutigineqartut malikkit. Pisinermut uppernarsaammi inniminniinermi kode imaluunniit stregkode scanneqqullugu qinnuigineqassaatit. Ilaannikkut visumi atuuttoq takuteqquneqartarpoq. Paasissutissat immersoreerukkit timmisartumut ikissutissat nassatallu ilisarnaataa automatimit anillatsinneqassapput.

Nassatat ilisarnaaseriarlugu nammineq nassatanik tunniussivimmut tunniutissavat. Taamaallaat tigummiaannakkamik nassataqaruit toqqaannartumik isumannaallisaavimmukarsinnaavutit.

Nassatavit tunniussavit oqimaappallaannginnissaa paasiniaruk. Qanoq oqimaatsigisumik qassinillu nassarsinnaanersutit timmisartuutileqatigiiffinnit angalanissamut uppernarsaatini takusinnaavatit. Nassatatit annertuallaarpata saniatigut akiliissaatit.

Sisoraatit, aneerussiviit, aalisaatit allalluunniit atortut immikkuullarissut nassarlugit angalaguit taakku nassatatut angisuutut naleqarput. Ilaaniarlutit nalunaareeruit taakku nassatanik angisuunik tunniussivimmut tunniutissavatit.

Nerisassanik nassarlutit angalaguit nassatanik tunniussanni nioqqutissat poortorsimassavatit.