Mittarfeqarfitsinni ilinniartunngorit

Greenland Airportsip ATS-imi ilinniartitaanermut tunngasuni qanimut suleqatigisartagaa GATE Aviation Training, peqatigalugu AFIS-operatørinngornianik ilinniartitsisarpugut.

AFIS-operatøritut makku ilaatigut suliassaraatit:

• Timmisartuussinerup isumannaatsumik ingerlanneqarnissaanik qulakkeerinnittussanik paasissutissanik pingaarutilinnik pilotinut tunniussuineq.
• Mittarfimmi silaannaallu ingerlaviusup nalaani silap anorillu qanoq innerinik, kiisalu mittarfiup qanoq inneranik paasissutissat eqqortut pilotinut nalunaarutigalugit.
• Piffissami silaannakkut angallattoqarnerani nakkutiginnillunilu paasitsitsineq.
• AFIS-ip napasuliaani atortut nutaaliaasut atorlugit sulineq.
• Eqqortumik silasiornerit kiisalu timmisartuussinermut pilersaarutinik, nalunaarusianillu allanik pineqartunut attuumassutilinnik paasissutissiinerit.
• Ulluinnarni mittarfiup ingerlanneqarnerani qitiusumik sunniuteqaqataaneq.

Ilinniarnerup ingerlarnga:

Ilinniartitaanerup aallartinnera (ATS-basisuddannelse) sapaatip akunneri 11-it missaani Kangerlussuarmi ingerlanneqarumaarpoq, taannalu teoriinik assigiinngitsunik sammisaqartitsiffiussaaq. Juullip kingorna qaammatit marluk missaanni sivisussusilimmik silasiorsinnaanissamut ilinniarneq kiisalu AFIS-operatørimut tunngasunik teoriinik ilinniartinneqassallutik. Tamatuma kingorna AFIS-elevcertifikati angujumallugu napasuliami simulatorimut qaffasinnerusumik sungiusarneq ingerlanneqassaaq, naggataatigullu oqaasilerinermi misilitsittoqassaaq. Ilinniarnermilu qaammatit kingulliit tallimat arfineq-pingasut “On The Job Training” ingerlanneqassalluni, taannalu nunatsinni mittarfinni piffinni assigiinngitsuni ingerlanneqassapput.

Ilinniarneq danskisut tuluttullu ingerlanneqassaaq, ilinniartitsinermilu atortussat amerlanersaat tuluttuujullutik.

Toqqaaneq aamma ilinniakkamut tiguneqarumalluni misilitsinneq:
AFIS-operatørinngorniarnissamut akuerineqarsinnaanissat sioqqullugu qinnuteqaammik allannissamik piumaffigineqassaatit taannalu danskisut tuluttullu allaqqassaaq. Qinnuteqaatit tiguneqartut aallaavigalugit qinnuteqartut ilaat MS Teams aqqutigalugu oqaloqatigineqartassapput. Oqaloqatiginninneq ilutigalugu oqaatsit danskisut tuluttullu piginnaasat nalilerneqassapput sprogassessorimik uppernarsarneqartumik.

Qinnuteqartut naleqquttut Kangerlussuarmi aggustimi ulluni sisamani ingerlanneqartussamik misilitsinnermi peqataassapput. Aammattaaq ilinniarnissamut akuerisaaniaraanni piumasaqaataavoq AFIS-operatørinngorniartussap peqqissusaa nakorsamit timmisartuussisinnaanermik akuersisussamit, misissorneqarlunilu nalilersorneqarnissaa, taannalu nakorsaq Greeland Airportsip toqqassavaa.

Siunissat:

Iluatsilluartumik ilinniakkat naammassigukku naatsorsuutigissavat suliffeqarfik pissanganartoq, avatangiiseq ineriartorfiulluartoq, kiisalu suliffeqarfiup iluani suleqatigiinneq pissarsiulluartoq peqataaffigilissallugu.

Paasissutissanik amerlanerusunik pissarsigit:
AFIS-operatøritut ilinniarneq paasisaqarfiginerorusukkukku Head of Training ATS Ryan Møller, e-mailikkut: rmm@airports.gl imaluunniit oqarasuaatikkut: 341711 attavigisinnaavat. Paasissutissanik nalinginnaanerusunik pisariaqartitsiguit Sulisoqarnermik immikkoortortaqarfik e-mailikkut attavigiuk: HR@airports.gl

Allaffissornermi ilinniartunngorit aammalu inuussutissarsiornermi sulinissat aallartillugu

Greenland Airportsimi ilinniarfiit suleqatigalugit allaffissornerup iluani ilinniartunut inissat arlallit neqeroorutigaagut. Suliffeqarfissuuvugut, taamaattumillu suliassat assigiinngitsorpassuit suliarisinnaalersinnaavatit. TNI-mi, imaluunniit ilinniagartuutut ilinniartitaanermi aallartissaguit, aammalu allaffissorneq, aningaasaqarneq imaluunniit nittarsaassisarneq immikkut sammisaralugit allaffimmiunngorniarnissaq toqqarsimagukku, Greenland Airports-imi suliffimmi sungiusarnissamut periarfissaqarputit.

Tamatuma ingerlanerani ilinniassavatit:
Uagutsinni ilinniartutut ilaatigut ilinniassavatit allaffissorneq, naatsorsuuserineq, sullitanik passussineq, aningaasaqarneq, nittarsaassineq kiisalu tuniniaaneq pisiniartarnerlu. Immikkoortortaqarfiit assigiinngitsorpassuit ilisarisimalissavatit, soorlu ilaatigut HR, Aningaasaqarneq, Tuniniaaneq, Attaveqaqatigiinneq, Sullitanik sullissineq aamma IT.

Naatsorsuutigaarput illit:
Ilinniartunngornissamut Meeqqat atuarfianni naammaginartunik angusaqarlutit soraarummeernermi misilitsissimassaatit (FSA).
Tamatuma saniatigut naatsorsuutigineqarpoq illit:

• Sullissiumatuujusutit inussiarnersuusutillu
• Namminersorlutit sulisartutit aammalu suliassaqarfiit akimorlugit suleqatiginnillaqqissuusutit
• IT sulinermi sakkussatut atornissaa piumassuseqarfigigit
• Kajumissuseqartutit nutaanillu ilikkagaqarnissaq piumassuseqarfigigit

Ilinniartitaaneq pillugu pisussanut paasissutissat:
ilinniarnerup nalaani atuarneq sullivimmilu sungiusarneq paarlakaatissavatit. Ilinniartitaanerup suunera apeqqutaalluni ukiut marluk sisamallu akornanni sivisussuseqassaaq. Assersuutigalugu TNI-mi ilinniarneq ukioq ataaseq atuarnermik aallartittarpoq, tamatuma kingorna ukioq ataaseq sullivimmi sungiusarneq ingerlanneqassalluni. Tamatuma kingorna ilinniarnermi ukiuni marlunni kingullerni pingasoriarluni atuarneq pingasoriarlunilu sullivimmi sungiusarneq ingerlanneqassapput. Piffissami sullivimmi sungiusarnerni sulisartut isumaqatigiissutaat atuuttut malillugit ilinniartutut aningaasarsiaqassaatit.

KTI suleqatigalugu elektronikkinut teknikerinngorniarluni ilinniarnissaq neqeroorutigaarput.
Greenland Airports-imi sullivimmi sungiusassaatit aammalu KTI-mi atuagarsussallutit. Ilinniartitaaneq tamatigoortorujussuuvoq aammalu unammilligassaqartinneqarnissat aammalu suliassat assigiinngitsorpassuit misilittarnissaat qularutigissanngilat.

Tamatuma ingerlanerani ilinniassavatit:
Greenland Airports-imi elektronikkinut teknikerinngorniarlutit ilinniartutut atortut elektroniskiusut aserfallatsaaliorneqartarnerat, kukkunernik ujaasisarneq, misissuisarneq iluarsaassisarnerlu ilinniassavatit. Ilinniassavatit analogteknik aamma digitalteknik, computerteknik, it-nut sakkussat arlallit aamma uuttortaanermi atortut kiisalu højfrekvensteknik.
Tamatuma saniatigut suliaqarlutit ilinniarnerit ilinniagassanik ilassuserneqassaaq, soorlu Fysik, Paasissutissiisarnermi teknologi, Danskisut, Tarnip pissusaa, Tuniniaaneq sullissinerlu aamma Suliffeqarfiup ilinniarnera.

Naatsorsuutigaarput illit:

• Meeqqat atuarfianni soraarummeernermi misilitsissimasutit (FSA)
• Elektronikkinut, PC-nut paasissutissiisarnermilu teknologiinut soqutigisaqartutit
• Danskisut tuluttullu allattariarsornermi oqalunnermilu kiisalu matematikkimi kisitsinermilu pikkorissuusutit
• Suleqateqallaqqissuusutit
• Kajumissuseqartutit nutaanillu ilikkagaqarnissaq piumassuseqarfigigit

Ilinniartitaaneq pillugu pisussanut paasissutissat:
Ilinniartitaanermi ilinniarfimmi Mercantec-imi Viborg-imiittumi atuarneq aammalu CNS-inut sannavitsinni sullivimmi sungiusarneq paarlakaanneqassapput. Ilinniarneq ukiunik 4-nik sivisussuseqarpoq.

Aamma elektronikkinut mekanikeritut/teknikeritut imaluunniit elektronikkilerinermi teknikeritut tunngaviusumik ilinniarnerup naammassinerata kingorna Greenland Airports-imi CNS-teknikkinut akuersissummik allagartalerneqarsinnaavutit.

CNS-teknikkinut akuersissummik allagartaliisarneq pillugu annertunerusut atuakkit uani link.

Imatut aallartissaatit:
Aallaqqaammut KTI-nut atuarfik nittartakkami uani attaveqarfigissavat: http://www.kti.gl/  Aamma sianerfigisinnaavatit imaluunniit allaffigisinnaavatit oqarasuaammut: +299 34 86 00 imaluunniit e-mail: jm@kti.gl

Ilinniarlutit aallartereersimaguit aammalu uagutsinni sullivimmi sungiusarnissat eqqarsaatigalugu, attaveqarfiginissatsinnut tikilluaqqusaavutit.

Elektronikfagteknikerinngornianik KTI suleqatigalugu ilinniartitsinissamut neqeroorpugut

Greenland Airportsimi praktikkissaatit KTI-milu atuagarsortarlutit. Ilinniagaq tamatigoortuuvoq qularutigissannguilallu suliassanik assigiinngiiaartunik unammillernartunillu suliaqartassagavik.

Ilinniarnerup ingerlanerani ilikkagassatit:

Greenland Airportsimi Elektronikfagtenikerinngortut aserfallatsaaliinerit, kukkunersiuinerit kiisalu elektronikkikkut atortunik aaqqissuinerit ilaatigut ilinniassavatit. Analogteknik, digitelteknik, computerteknik, it-imi sakkussat assigiinngitsut, uuttartaatit kiisalu højfrevensteknik ilaatigut ilinniassallugit.

Suliffimmilu ilinniarnivit saniartigut fagit uku aamma ilinniarfigissavatit; fysik, informationsteknologi, danskisut, psykologi, tuniniaaneq kissartuullusinerlu kiisalu virksomhedslære.

Naatsorsuutigaarput:

• Meeqqat atuarfiat (FSA) naammassisimassagit
• Elektronikkimut, pc-nut informationsreknologimullu soqutiginnittuunissat
• Danskisut, tuluttut oqalunnermik allannermilu, aammalu matematik regningilu piginnaasaqarfigissatigit
• Suleqarteqarluarsinnaanissat
• Kajumissuseqarlutillu nutaanik ilinniarusussuseqarnissat

Ilinniarneq pillugu paasissutissat:

Ilinniarnerup atuagasornertaa ilinniarfimmi Mercantec Viborgimiittumik ingerlanneqartarpoq praktikkernerlu suliffeqarfitsinni CNS-ip immikkoortortaani assigiinngitsuni ingerlanneqartarluni. Ilinniarneq ukiuni sisamanik sivisussuseqarpoq.

Greenland Airportsimi CNS-teknikkeritut allagartaqalersinnaavutit elektronikfagteknikeritut imalluunniit elektronikmekaniker/teknikeritut tunngaviusumik ilinniagartaa naammassigukku.

CNS-teknikkeritut allagartaqalerneq pillugu una liniki iserfigalugalu paasisaqarnerusinnaavutit:  https://www.mit.gl/gl/atorfiit-ilinniarfiillu/ilinniarfissat-allattorsimaffiat/cns-tekniker/

Greenland Airportsimi ilinniartunngorusuppit?

Elektronikfagteknikeritut, elektronikmekanikeritut imaluunniit elektronikteknikeritut KTI aqqutigalugu ilinniarnissamut akuersaasimaguit Greenland Airportsimut saaffiginninnissarnnut tikilluaqqusaavutit.