Skip to content

Ingerlatsinermut paasissutissat

Ingerlatsinermut paasissutissat

Nuummut aamma Nuummiit timmisartumik angallannermut maleruagassanik naliliineq: angalanissarnut pilersaaruternik allanngortitsinernik kinguneqarsinnaavoq

Trafikstyrelsenip Nuummi Mittarfimmut aamma Nuummi Mittarfimmiit timmisartunik angallannermut piumasaqaatit atuutsilersimasai, piffissap angallaffiunerpaasup kingorna Greenland Airportsip aamma Trafikstyrelsenip ataatsimoorlutik nalilersorpaat.  

 

Piumasaqaatit ataasiakkaat angallassinermut pilersaarusiornissamut  unammillernatitsisimapput. Tamanna iluarsiinernik malitseqarpoq, tamatumalu kingunerisaanik siunissami timmisartuutileqatigiiffinni pilersaarusiornermut angallannerullu immikkoortsisimanissaanut allanik piumasaqaateqartoqartussanngorpoq.  

  

Ilaasut ilaannut tamanna angalanissamut pilersaarummi annikitsunik allanngortitsinermik kinguneqassaaq, allat annertunerusumik allanngortoqarnera misigisinnaallugu.  

  

Paarlattuanik allanngortitsinerit kingunerisaannik, silagitsillugu timmisartut minnissamut akuersissut pisariaqanngitsumik utaqqisarunnaartussanngorpaat.  

  

Akornusiinerit allanngortitsinerit malitsigisimasinnaasaat ajuusaarutigaagut, aammalu maleruagassat nutaat Air Greenland qanimut suleqatigalugu sapinngisamik eqaannerpaamik ikaarsaarfiginissaat sulissutigalugu. 

𝐍𝐮𝐮𝐦𝐦𝐢 𝐧𝐮𝐧𝐚𝐧𝐮𝐭 𝐚𝐥𝐥𝐚𝐧𝐮𝐭 𝐚𝐧𝐠𝐚𝐥𝐚𝐬𝐮𝐬𝐬𝐚𝐧𝐮𝐭 𝐬𝐞𝐜𝐮𝐫𝐢𝐭𝐲-𝐦𝐢 𝐦𝐢𝐬𝐢𝐬𝐬𝐮𝐢𝐬𝐚𝐫𝐧𝐞𝐪 𝐩𝐢𝐥𝐥𝐮𝐠𝐮 𝐩𝐚𝐚𝐬𝐢𝐬𝐬𝐮𝐭𝐢𝐬𝐬𝐢𝐢𝐧𝐞𝐪

Security ammavoq, aammalu ilaasut tamarmik – nunatta iluani aamma nunanut allanut – angalanerminni toqqissisimasumik piffissarlu eqqorlugu ingerlaqqipput.
Taamaattoq maannakkorpiaq nunanut allanut angalasussanut security-mi misissuisarneq aallarnissat tamaasa sioqqullugit nalunaaquttap akunnerini pingasuni piffissaliilluni immikkut aaqqissuunneqarpoq.
Tamatumunnga pissutaavoq, misissuinermi tassani sulisunik immikkut sungiusarsimasunik pisariaqartitsisoqarnera – taakkualu maannakkut inissisimanitsinni ammatittuaannarnissaanut ajoraluartumik naammanngillat.
Taamaattumik tamatuma tungaanut piffissani ataasiakkaani sivikitsukkaanik matoqqasarsinnaavoq. Piffissami taamaattumi takkukkuit, utaqqisoqartariaqalaarsinnaasassaaq – kisianni neriorsuutigaarput nunanut allanut ilaasussat tamarmik timmisartumut ilaaffissaminnut piffissaqarluarlutik annguttassammata.
Nunatta iluani ilaasut kalluarneqanngillat aammalu nalinginnaasumik toqqaannartumik security-mukarsinnaallutik.
Neriuppugut utaqqilaartussanngorlutit misigissagaluarukku paasinnissasutit naammagittalaassasutillu. Sulisugut toqqissisimatitsiniarlutik nuannersumillu misigisaqartitsiniarlutik ilungersorlutik sulipput.
Angalalluakuttoorisi