Qaqortumi Ilulissanilu Mittarfiit ammarnissaannut piffissaq maannakkut aalajangerneqarpoq

• Ammaanissanut naatsorsuutigisat nalunaarutigisinnaaleratsigu uagutsinnut ulloq pingaartorujussuuvoq. Ukiut arlallit kingulliit ingerlaneranni siunnerfilimmik tunniusimallutalu sulisimavugut. Sulilluarneruvoq tulluusimaarutigisarput aammalu Kalaallit Nunaat tamakkerlugu ineriartortinnissaanut alloriarneq pingaaruteqarluni,” oqarpoq Anna Eva Villefrance, Qaqortumi Ilulissanilu mittarfiliassanik aallartitsinissamut pisussanut pilersaarummut aqutsisoq.

Suliassat killiffii
Sanaartugassani marlunni taakkunani pingaarnertigut piffissamut pilersaarutit malinneqarput, aammalu entreprenøri suliaminnik tunniussinissamut naammassilernerminni killiffeqarput.

Qaqortoq: Mittarfiup illutaasalu tunniunneqarnissaat qanillivoq. Peqatigisaanik sulisut aamma ilinniartiitigalugit upalungaarsimanermillu ineriartortitsilluta aaqqissuunnera, teknikkikkut aaqqiissutissanik ikkussuineq suliaraagut.

Ilulissat: Mittarfik illutaalu tunniunneqareerput. Tassani alloriarnermi tullermi aamma aaqqissuussineq atortunik ikkussuineq, misileraanerit ingerlanneri sungiusaaneq, Trafikstyrelsen-imiit ingerlatsinermut inaarutaasumik akuersissuteqarnissap tungaanut, suliarineqassapput.

Ingerlatsilernissani marluusuni taakkunani Nuummi Mittarfimmit misilittakkat pitsaasut, kisianni aamma ilaannikkut akisunaartarsimasagut, annertuumik uagutsinnut toqqammavissaliisut, tunngavigineqassapput.

Suli naammassivinngillat
Mittarfimmik nutaarluinnarmik ammaaniarneq pisariusorujussuarmik ingerlasarpoq, pinngitsoorneqarsinnaanngitsut, suliat ingerlaneri akuersissuteqarnerit inissitsinneqartussat amerlasuujusarlutik. Suli qaammatini aggersuni annertuunik suliaqartussaavugut suliassaqarlutalu.

• Ingerlalluarpugut, aammalu neriulluarpugut. Sullisit aaqativut atorpagut, aammalu qaammatini aggersuni annertuunik suliniuteqarnissamut qilanaarluta. Iluatsinnissaanut sapinngisarput tamaat sulissaagut, aammalu ilaasut siulliit tikilluaqqunissaat qilanaaraarput,” oqarpoq Anna Eva Villefrance

Nittartakkami matumani aamma inuit attaveqatigiittarfiini siumut ingerlanera ingerlaavartumik oqaluttuarisassavarput. Malinnaagit – pissanganartussaavoq!