Mittarfiit
Paasissutissat
Information
Kiffartuussinerit
Services
Uagut Pilluta
Uumasunik angalaqateqarneq
Foto: Mads Pihl - Visit Greenland
Mittarfeqarfinni uumasunik angalaqataasussanik isumaginnittarnerput misilittagaqarfigilluarparput. Uumasut pitsaanerpaamik angalaniassammata tamatigut mianersorluta maluginiarlugillu isumagisarpavut. Quppernermi matumani uumasuutinnik angalaqateqalerninni paasissutissat nalunngittariaqakkatit ataatsimut katersornikuuavut.
Uumasut ingiaqatigineqartinnatik timmisartoqarfitsinniit angalasinnaanngillat.
1
Aallarnissat sioqqullugu uumasuutivit inissaanik inniminniissutissavat – timmisartuutileqatigiiffinni inniminniissaatit. Angalanermi karsit, tunniussineq, akit allallu angalanermut attuumassuteqartut pillugit paasissutissanik tunisinnaavaatsit. Malittarisassat assigiinngisitaarsinnaapput, taamaammat angalanissat sioqqullugu piffissaalluartillugu timmisartuutileqatigiiffiit paasiniaaffigiuk.
Uumasunik angalaqateqarneq – Air Greenland
Air Greenland +299 34 34 34
Uumasunik angalaqateqarneq | Icelandair
Air Iceland +354 570 3030
2
Uumasuutit angalaqatiginiarlugu tikiffissavit kommunianit akuersissummik pissarsisimassaatit. Toqqaannartumik kommunimut qinnuteqassaatit.
Uumasuutivit eqqunneqarnissaanut Kalaallit Nunaata Sinniisoqarfianit aamma akuersissuteqassaatit. Angalanissat sioqqullugu peqqissutsimut uppernarsaat akiuussuserneqarsimanissaalu piumasaqaataapput. Angalaneq tamaat Sinniisoqarfiup akuersissutaa pappilissallu allat uumasup nassatarissavai.
Akuersissutinik qinnuteqassaatit uunga Kalaallit Nunaata Sinniisoqarfia
Akiuussusersuinerit uppernarsaatillu suut pissarsiarisimassaneritit uani takusinnaavatit Kalaallit Nunaanni Uumasunut Nakorsaqarfik aamma Inuussutissalerinermut Oqartussaaffik
Malittarisassat maluginiagassatit tassani tamakkiisumik takusinnaavatit.
Kalaallit Nunaanni illoqarfiit qimmimik qimuttoqarfiit avataannut taamaallaat qimmimik nassarsinnaavutit. Illoqarfiit killeqarfii Uumasunut Nakorsaqarfiup aamma Inuussutissalerinermut Oqartussaaffiup nittartagaani tamakkiisumik takukkit.
3
Tikiffissannut tikikkuit uumasuutit aaniarlugu timmisartoqarfimmi sulisumut saaffiginnissaatit. Uumasuutivit timmisartumi ilaasarfimmut nassarnissaanut angivallaarpat timmisartoqarfimmi nassatanut angisuunut tunniussisarfimmut tunniunneqassaaq.
4
Uumasut Kalaallit Nunaanniit angalaqatiginiarukkit nunami tikiffissanni malittarisassat atuupput. Assersuutigalugu Danmarkimut angalassaguit, taava Inuussutissalerinermut Aqutsisoqarfik Danmarkimiittoq attavigissavat.
Nassatat pillugit ilisimasassatit quppernermi matumani ataatsimoortinnikuuavut.
