Whistleblowerordning

Greenland Airportsimi whistleblowerimut aaqqissuussineq

Greenland Airportsimi akisussaassuseqarneq, innarligassaannginneq paasiuminartuutitsinerlu ullut tamaasa sulinitsinni pingaartippagut. Sullitanut, suleqatigisartakkanut sulisunullu toqqissisimanartumik pikkorissusilimmillu avatangiiseqartitsinissap qulakkeernissaa aammalu aaqqissuussaanitsinni tamarmi ileqqorissaarnikkut qaffasissumik pitsaassuseqartitsiinnarnissaq, kissaatigaagut. Tamatuma tunngavissinnissaanut whistleblowerimut aaqqissuussinermik, sulisut, sullitat, pilersuisut, avataaneersut suleqatigisartakkat innuttaasunut pissutsinik ilungersunartunik kinaassusertik taanagu nalunaarutiginnissinnaalersillugit, pilersitsivugut.

Whistleblowerimut aaqqissuussineq qanoq atorneqartarpa?

Whistleblowerimut aaqqissuussineq eqqartuussissuserisut suliffeqarfiat Nuna Law, whistleblowerinut nittartagaq, aqqutigalugu nalunaarutiginninnernik tigusisartussaq suliarinnittartussarlu suleqatigalugu pilersinneqarpoq.

Kikkut tamarmik pissutsinik ilungersunartunik nalunaarutiginninnissamut aaqqissuussineq atorsinnaavaat. Nalunaarutiginninnerit isertuussamik suliarineqartassapput, aammalu kinaassutsip ersitsinngiinnarnissaa ajornanngilaq. Paasissutissat pikkorissusilimmik inatsisinullu atuuttunut naapertuuttumik passunneqartarnissaat Nuna Law-imi qulakkeerneqassaaq. Nalunaarutiginninnerit ataasiakkaarlugit nalilersorneqartassapput, pisariaqarpallu suliniutissat naleqquttut aallartinneqassallutik.

Whistleblower Portal

Suut nalunaarutigineqarsinnaappat?

Whistleblowerinut aaqqissuussinermi makkua pillugit nalunaarutiginninnerit ilaatinneqarput:

Greenland Airports-ip suliassanik suliarinninnerani, allaffissornerani tamanillu sullissinerani kukkunerit annertuut, pissusissaanngitsumik iliornerit sumiginnaanerillu
Suliffiup iluani malittarisassanik politikkinillut annertuumik unioqqutitsinerit
Inatsisitigut pisussaaffinnik annertuumik unioqqutitsisoqartoq naapertuuttumik pasitsaassaqarneq

Suut nalunaarutigineqarsinnaanngillat?

Whistleblowerimut aaqqissuussineq makkuninnga passussinissamut naatsorsuussaanngilaq:

Sulisunut atorfinitsitsinermullu inatsisitigut isumaqatigiinngissuteqarnerit, tamatumani unioqqutitsinerit annertuut pineqarsimanngippata, soorlu whistleblowerimi nalunaarutiginninnerup kingorna uumisaarineq imaluunniit akiniaanerit
Suliffiup iluani malittarisassat annikinnerusumik unioqqutinneqarnerat, annertuunik sunniuteqartussaanngitsumik
Ulluinnarlu aqutsisut naammagittaalliuutigineqarnerat imaluunniit nalinginnaasumik suleqatigiinnermi ajornartorsiuteqarnerit, tamatumani pissutsit ilungersunartuusimanngippata
Sulinermi atukkat, aningaasarsiat, suliffimmi qaffatsitsinerit imaluunniit allat qulequttat HR-imut attuumassutillit naammagineqannginnerat
Suliassat Greenland Airports-ip suliffeqarfimmi suliassaqarfiisa avataanniittut

Suliassanut taamaattunut tunngatillugu, taakkua suliffiup iluani aqqutissat pioreersut aqqutigalugit iliuuseqarfigineqartassasut kaammattuutigaarput, soorlu aqutsisumut qaninnermut, HR-inut immikkoortortaqarfimmut imaluunniit sulisut sinniisaannut.

Whistleblowerinut nittartagaq

Aaqqissuussinerup atornissaanut ilitsersuut

Greenland Airports-ip ileqqorissaarnermi malitassanik qaffasissunik aammalu inatsisitigut pisussaaffinnik naammassinniinnarnissaata qulakkeernissaanut, whistleblowerinut aaqqissuussineq sakkussaavoq pingaaruteqartoq. Pissutsinik ilungersunartunik ilisimannittut tamaasa aaqqissuussinermik atuinissaannik kaammattorpagut, taamaalilluta ataatsimoorluta akisussaassusilimmik paasiuminartumillu suliffeqarfimmi kultureqarnissamut taperseeqataassalluta.

whistleblowerimut aaqqissuussinermut ilitsersuutit najoqqutassallu link manna aqqutigalugu nittartakkami takuneqarsinnaapput:

Inassutigaarput whistleblowerimut aaqqissuussinermut nalunaarutiginninnginnerani malittarisassat ilitsersuutillu atuassagitit paasissagitillu.

Whistleblower Portal